ಯುವ ಸಂಗೀತ ಕಲಾರತ್ನ ರಿಷಲ್ ಮೆಲ್ಬಾ ಕ್ರಾಸ್ತಾರವರಿಗೆ ಕೊಂಕಣಿ ಗಾಯನದಲ್ಲಿ ಪ್ರಥಮ ಸ್ಥಾನ

ಕೊಂಕಣಿ ನಾಟಕ ಸಭಾ ಮಂಗಳೂರು ತಮ್ಮ 61ನೇ ಸಾಲಿನಲ್ಲಿ ಉಡುಪಿ ಹಾಗೂ ದಕ್ಷಿಣ ಕನ್ನಡ ಜಿಲ್ಲಾ ಮಟ್ಟದಲ್ಲಿ ಆಯೋಜಿಸಿದ, ಕೊಂಕಣಿ ಗಾಯನ ಸ್ಪರ್ಧೆಯಲ್ಲಿ ರಿಷಲ್ ಮೆಲ್ಬಾ ಕ್ರಾಸ್ತಾರವರು 15 ರಿಂದ 45 ವಯೋಮಿತಿಯ ಸ್ತ್ರೀಯರ ಗಾಯನ ವಿಭಾಗದಲ್ಲಿ ಸತತ ಎರಡನೇ ಬಾರಿ ಪ್ರಥಮ ಸ್ಥಾನ ಪಡೆದಿದ್ದಾರೆ.

ಈ ಯುವ ಕಲಾವಿದೆ ಭಾರತೀಯ ಇತರ ಭಾಷೆಗಳಲ್ಲಿಯೂ ಹಾಡಿ ಅನೇಕ ಪ್ರಶಸ್ತಿಗಳನ್ನು ಗಳಿಸಿದ್ದಾರೆ. ಸಂಗೀತದ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿರುವ ರಿಷಲ್, ಮುಂದೊಂದು ದಿನ ದೇಶದ ಖ್ಯಾತ ವೇದಿಕೆಯಾದ ಇಂಡಿಯನ್ ಐಡಲ್ ನಲ್ಲಿ ಭಾಗವಹಿಸುವ ಕನಸನ್ನು ಹೊಂದಿದ್ದಾರೆ.

 

 

ಕೊಂಕಣಿ ಸಂಗೀತವನ್ನು ತನ್ನ ಮೆಲುಕುಮಯ ಕಂಠದಿಂದ ಪ್ರಚಾರ ಮಾಡುತ್ತಿರುವ ರಿಷಲ್ ಮೆಲ್ಬಾ ಕ್ರಾಸ್ತಾ, ಯುವ ಕಲಾವಿದರಿಗೆ ಪ್ರೇರಣೆಯಾಗಿದ್ದು, ಭವಿಷ್ಯದಲ್ಲಿ ರಾಷ್ಟ್ರೀಯ ಮಟ್ಟದಲ್ಲೂ ಖ್ಯಾತಿಯನ್ನು ತಂದುಕೊಡುವ ಶಕ್ತಿ ಹೊಂದಿದ್ದಾರೆ. ಸಂಗೀತ ಲೋಕದಲ್ಲಿ ಅವರು ಇನ್ನಷ್ಟು ಉನ್ನತ ಶಿಖರಗಳನ್ನು ಏರಲೆಂದು ಎಲ್ಲರೂ ಹಾರೈಸುತ್ತಿದ್ದಾರೆ.