ವೇಣೂರು ನದಿ ನೀರಿನಲ್ಲಿ ಮುಳುಗಿ ಲಾರೆನ್ಸ್, ಜೈಸನ್ ಹಾಗೂ ಸೂರಜ್ ಎಂಬ ಮೂವರು ಯುವಕರ ಧಾರುಣ ಅಂತ್ಯ

ಬೆಳ್ತಂಗಡಿ:  ವೇಣೂರಿನ ಗೆಳೆಯನ ಮನೆಗೆ ಬಂದಿದ್ದ ಮೂವರು ಯುವಕರು ಬರ್ಕಜೆ ಎಂಬಲ್ಲಿ ನದಿ ನೀರಿನಲ್ಲಿ ಮುಳುಗಿ ಮೃತಪಟ್ಟ ಘಟನೆ ನವಂಬರ್ 27ರಂದು ಬುಧವಾರ ಸಂಜೆ ಸಂಭವಿಸಿದೆ. ಮೃತ ಯುವಕರನ್ನು 21 ವರ್ಷ ಪ್ರಾಯದ ಲಾರೆನ್ಸ್, 19 ವರ್ಷ ಪ್ರಾಯದ ಸೂರಜ್ ಹಾಗೂ ಜೈಸನ್ ಎಂದು ಗುರುತಿಸಲಾಗಿದೆ.

ವೇಣೂರು ಚರ್ಚ್ ಕಾರ್ಯಕ್ರಮದ ಹಿನ್ನಲೆಯಲ್ಲಿ ಇವರು ಗೆಳೆಯನ ಮನೆಗೆ ಬಂದಿದ್ದರು ಎನ್ನಲಾಗಿದ್ದು ಬಳಿಕ ನದಿಯಲ್ಲಿ ಸ್ನಾನಕ್ಕೆ ಇಳಿದಿದ್ದರು. ಕಿಂಡಿ ಅಣೆಕಟ್ಟಿನ ಸಮೀಪ ಇವರು ಸ್ನಾನಕ್ಕೆ ಇಳಿದಿದ್ದು ನದಿ ನೀರಿನಲ್ಲಿ ಸಿಲುಕಿ ಮೂವರು ಮೃತಪಟ್ಟಿದ್ದಾರೆ. ಘಟನಾ ಸ್ಥಳಕ್ಕೆ ಪೊಲೀಸರು, ಅಗ್ನಿ ಶಾಮಕ ದಳದವರು ತೆರಳಿದ್ದು ಸ್ಥಳೀಯರ ಸಹಕಾರದೊಂದಿಗೆ ಮೃತದೇಹಗಳನ್ನು ಮೇಲಕ್ಕೆ ಎತ್ತಲಾಗಿದೆ.