ಮಂಗಳೂರು ಮತ್ತು ಉಡುಪಿಯಲ್ಲಿ ಜನವರಿ 17ರಿಂದ 23ರ ತನಕ ‘ಕರ್ನಾಟಕ ಕ್ರೀಡಾಕೂಟ – 2025’

ಸನ್ಮಾನ್ಯ ಸ್ಪೀಕರ್ ಯು.ಟಿ. ಖಾದರ್ ನೇತೃತ್ವದಲ್ಲಿ ಸುದ್ದಿಗೋಷ್ಠಿ

ಮಂಗಳೂರು ಮತ್ತು ಉಡುಪಿಯಲ್ಲಿ ಜನವರಿ 17ರಿಂದ 23ರ ತನಕ ಒಂದು ವಾರದವರೆಗೂ ಕರ್ನಾಟಕ ಕ್ರೀಡಾಕೂಟ 2025, ನಡೆಯಲಿದೆ ಎಂದು ರಾಜ್ಯ ಒಲಿಂಪಿಕ್ಸ್ ಸಂಸ್ಥೆಯ ಅಧ್ಯಕ್ಷ ಗೋವಿಂದರಾಜು ಹೇಳಿದ್ದಾರೆ. ಜನವರಿ 9ರಂದು ಗುರುವಾರ ಮಾಧ್ಯಮವನ್ನುದ್ದೇಶಿಸಿ ಮಾತನಾಡಿದ ಅವರು, “ಈ ಹಿಂದೆ ರಾಜ್ಯ ಒಲಿಂಪಿಕ್ಸ್ ಎಂದು ಕರೆಯಲಾಗುತ್ತಿದ್ದ ಈ ಕ್ರೀಡಾಕೂಟಕ್ಕೆ ಈಗ ಕರ್ನಾಟಕ ಕ್ರೀಡಾಕೂಟ 2025 ಎಂದು ಹೆಸರಿಸಲಾಗಿದೆ. ಎರಡು ವರ್ಷಗಳ ಹಿಂದೆ ಯೋಜಿಸಲಾದ ಈ ಕ್ರೀಡಾಕೂಟಕ್ಕೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಬಜೆಟ್‌ನಲ್ಲಿ ರೂಪಾಯಿ 5 ಕೋಟಿ ಉಡುಪಿ ಮತ್ತು ಮಂಗಳೂರಿನಲ್ಲಿ ಕಾರ್ಯಕ್ರಮ ಆಯೋಜಿಸಲು ಮಂಜೂರು ಮಾಡಿದ್ದಾರೆ.

ಸನ್ಮಾನ್ಯ ಸ್ಪೀಕರ್ ಯು.ಟಿ. ಖಾದರ್ ಮಾತನಾಡಿ, ಮಂಗಳೂರು, ಉಡುಪಿ, ಮಣಿಪಾಲ ಮತ್ತು ಬೆಂಗಳೂರಿನಾದ್ಯಂತ 25 ಕ್ರೀಡಾಕೂಟಗಳು ನಡೆಯಲಿವೆ. ಮಂಗಳೂರಿನಲ್ಲಿ 12 ಸ್ಪರ್ಧೆಗಳು, ಉಡುಪಿಯಲ್ಲಿ 8, ಮಣಿಪಾಲದಲ್ಲಿ 3 ಮತ್ತು ಬೆಂಗಳೂರಿನಲ್ಲಿ 2 ಪಂದ್ಯಾವಳಿಗಳನ್ನು ನಡೆಸಲು ಆಯೋಜಿಸಲಾಗಿದೆ. ಪುರುಷರ ಮತ್ತು ಮಹಿಳೆಯರ ವಿಭಾಗದಲ್ಲಿ ಒಟ್ಟು 3,247 ಕ್ರೀಡಾಪಟುಗಳು 631 ಚಿನ್ನ, 631 ಬೆಳ್ಳಿ ಮತ್ತು 827 ಕಂಚಿನ ಪದಕಗಳಿಗಾಗಿ ಸ್ಪರ್ಧಿಸಲಿದ್ದಾರೆ.

ಮಂಗಳೂರಿನಲ್ಲಿ ಬ್ಯಾಡ್ಮಿಂಟನ್, ಬಾಸ್ಕೆಟ್‌ಬಾಲ್, ಫೆನ್ಸಿಂಗ್, ಫುಟ್‌ಬಾಲ್, ಹ್ಯಾಂಡ್‌ಬಾಲ್, ಖೋ-ಖೋ, ನೆಟ್‌ಬಾಲ್, ಈಜು, ವಾಲಿಬಾಲ್, ವೇಟ್‌ಲಿಫ್ಟಿಂಗ್, ವುಶು ಮತ್ತು ಟೇಕ್ವಾಂಡೋ ಸೇರಿವೆ. ಉಡುಪಿ/ಮಣಿಪಾಲದಲ್ಲಿ ಅಥ್ಲೆಟಿಕ್ಸ್, ಬಾಕ್ಸಿಂಗ್, ಸೈಕ್ಲಿಂಗ್, ಜೂಡೋ, ಕಬಡ್ಡಿ, ಕುಸ್ತಿ, ಕಯಾಕಿಂಗ್, ಕ್ಯಾನೋಯಿಂಗ್, ಹಾಕಿ, ಲಾನ್ ಟೆನ್ನಿಸ್ ಮತ್ತು ಟೇಬಲ್ ಟೆನ್ನಿಸ್ ಅನ್ನು ಆಯೋಜಿಸುತ್ತದೆ. ಬೆಂಗಳೂರಿನಲ್ಲಿ ಜಿಮ್ನಾಸ್ಟಿಕ್ಸ್ ಮತ್ತು ಶೂಟಿಂಗ್ ಕಾರ್ಯಕ್ರಮಗಳು ನಡೆಯಲಿವೆ.

ಕರ್ನಾಟಕ ಕ್ರೀಡಾಕೂಟದ ಉದ್ಘಾಟನೆ ಜನವರಿ 17ರಂದು ಮಂಗಳೂರಿನಲ್ಲಿ ನಡೆಯಲಿದ್ದು, ಜನವರಿ 23ರಂದು ಉಡುಪಿಯ ಅಜ್ಜರಕಾಡಿನಲ್ಲಿ ಸಮಾರೋಪ ಸಮಾರಂಭ ನಡೆಯಲಿದೆ.

ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಮುಲ್ಲೈ ಮುಹಿಲನ್ ಮಾತನಾಡಿ, “ನಾವು ಕ್ರೀಡಾಪಟುಗಳಿಗೆ ಕಾರ್ಯಕ್ರಮ ನಡೆಯುವ ಸ್ಥಳಗಳ ಬಳಿ 631 ಹಾಸ್ಟೆಲ್ ಕೊಠಡಿಗಳನ್ನು ವ್ಯವಸ್ಥೆ ಮಾಡಿದ್ದು, ಸಾರಿಗೆ ಮತ್ತು ಆಹಾರದ ವ್ಯವಸ್ಥೆಯನ್ನು ಸಹ ಮಾಡಲಾಗಿದೆ” ಎಂದರು.

ಉಡುಪಿ ಜಿಲ್ಲಾಧಿಕಾರಿ ವಿದ್ಯಾ ಕುಮಾರಿ ಮಾತನಾಡಿ, “ನಾವು ಕ್ರೀಡಾಪಟುಗಳ ವಸತಿಗಾಗಿ MAHE ಮಣಿಪಾಲ ಹಾಸ್ಟೆಲ್ ಮತ್ತು ಬಿಸಿಎಂ ಸಮಾಜ ಕಲ್ಯಾಣ ಹಾಸ್ಟೆಲ್‌ಗಳಲ್ಲಿ 750 ಕೊಠಡಿಗಳನ್ನು ವ್ಯವಸ್ಥೆ ಮಾಡಲಾಗಿದೆ” ಎಂದು ಹೇಳಿದರು.

ಕರ್ನಾಟಕ ಕ್ರೀಡಾಕೂಟ 2025 ರ ಮಂಗಳೂರು ಕಾರ್ಯಕ್ರಮಗಳ ವೇಳಾಪಟ್ಟಿ:

• ಬ್ಯಾಡ್ಮಿಂಟನ್: ಜನವರಿ 21 ಮತ್ತು 22ರಂದು ಮರೇನಾ ಒಳಾಂಗಣ ಕ್ರೀಡಾಂಗಣ, KMC ಅತ್ತಾವರ.
• ಬಾಸ್ಕೆಟ್‌ಬಾಲ್: ಜನವರಿ 20 ರಿಂದ 23 ರವರೆಗೆ U.S. ಮಲ್ಯ ಒಳಾಂಗಣ ಕ್ರೀಡಾಂಗಣ
• ಫೆನ್ಸಿಂಗ್: ಜನವರಿ 18 ಮತ್ತು 19 ರಂದು U.S. ಮಲ್ಯ ಒಳಾಂಗಣ ಕ್ರೀಡಾಂಗಣ
• ಫುಟ್ಬಾಲ್: ನೆಹರು ಮೈದಾನದಲ್ಲಿ ಜನವರಿ 17 ರಿಂದ 22 ರವರೆಗೆ
• ಹ್ಯಾಂಡ್‌ಬಾಲ್: ಜನವರಿ 21 ರಿಂದ 23 ರವರೆಗೆ ಮಂಗಳಾ ಕ್ರೀಡಾಂಗಣ
• ಖೋ ಖೋ: ನೆಹರೂ ಮೈದಾನದಲ್ಲಿ ಜನವರಿ 21 ರಿಂದ 23
• ನೆಟ್‌ಬಾಲ್: ಜನವರಿ 17 ರಿಂದ 19 ರವರೆಗೆ ಮಂಗಳಾ ಕ್ರೀಡಾಂಗಣದಲ್ಲಿ
• ಈಜು: ಯೆಮ್ಮೆಕೆರೆಯಲ್ಲಿ ಜನವರಿ 19 ರಿಂದ 21 ರವರೆಗೆ
• ಟೇಕ್ವಾಂಡೋ: ಜನವರಿ 20 ರಿಂದ 22 ರವರೆಗೆ ರಾಜ್ಯ ನೌಕರರ ಭವನ, ಹಂಪನಕಟ್ಟೆ
• ವಾಲಿಬಾಲ್: ಜನವರಿ 20 ರಿಂದ 23 ರವರೆಗೆ ಮಂಗಳಾ ಕ್ರೀಡಾಂಗಣದಲ್ಲಿ
• ವೇಟ್ ಲಿಫ್ಟಿಂಗ್: ಜನವರಿ 17 ರಿಂದ 19 ರವರೆಗೆ ಅಂಬೇಡ್ಕರ್ ಭವನ, ಉರ್ವಾ ಸ್ಟೋರ್
• ವುಶು: ಜನವರಿ 17 ಮತ್ತು 19 ರಂದು ರಾಜ್ಯ ನೌಕರರ ಭವನ, ಹಂಪನಕಟ್ಟೆ

ಸುದ್ದಿಗೋಷ್ಟಿಯಲ್ಲಿ MLC ಐವನ್ ಡಿ ಸೋಜಾ, ಮಾಜಿ ಕ್ರೀಡಾ ಶಾಸಕ ಅಭಯಚಂದ್ರ ಜೈನ್, ಮಂಗಳೂರು ಪೊಲೀಸ್ ಕಮೀಷನರ್ ಅನುಪಮ್ ಅಗರ್ ವಾಲ್, ಜಿಲ್ಲಾ ವಾರ್ತಾಧಿಕಾರಿ ಖಾದರ್ ಷಾ  ಮತ್ತಿತರರು ಉಪಸ್ಥಿತರಿದ್ದರು.