ಭಟ್ಕಳದಲ್ಲಿ ಬಾಲಕಿಯ ಅಪಹರಣ – 6 ಗಂಟೆಯೊಳಗೆ ಪತ್ತೆ

ಪೊಲೀಸರ ತ್ವರಿತ ಕಾರ್ಯಾಚರಣೆಗೆ ಶ್ಲಾಘನೆ

ಭಟ್ಕಳದ ಹನಿಫಾಬಾದ ಪ್ರದೇಶದಿಂದ ಅಪಹರಣಕ್ಕೊಳಗಾದ ಬಾಲಕಿಯನ್ನು ಪೊಲೀಸರು ಕೇವಲ 6 ಗಂಟೆಗಳಲ್ಲೇ ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ.

ಪೊಲೀಸರ ಮಾಹಿತಿ ಪ್ರಕಾರ, ಹಾವೇರಿ ಜಿಲ್ಲೆಯ ಶಿವಪುರ ನಿವಾಸಿ ಆಸೀಫ್ (ತಂದೆ ಜಮಾಲಸಾಬ) ಮತ್ತು ಭಟ್ಕಳದ ಜಾಲಿ ಗ್ರಾಮದ ಟಗ್ಗರಗೋಡ ನಿವಾಸಿ ಮೊಹಮ್ಮದ್ ಮೌಸೀನ (ತಂದೆ ಮೊಹಮ್ಮದ್ ರಿಜ್ವಾನ) ಎಂಬ ಇಬ್ಬರು ಆರೋಪಿಗಳು, ಬುಲೆರೋ ಪಿಕಪ್ ವಾಹನ (ನಂ. KA-47/8198) ಮೂಲಕ 14 ವರ್ಷ 11 ತಿಂಗಳ ಬಾಲಕಿಯನ್ನು ನಿನ್ನೆ ರಾತ್ರಿ ಭಟ್ಕಳದ ಹನಿಪಾಬಾದನಿಂದ ಅಪಹರಿಸಿದ್ದರು.

ಘಟನೆ ಆಗಸ್ಟ್ 14ರಂದು ಗುರುವಾರ ಬೆಳಗ್ಗೆ 11:30ರ ಸುಮಾರಿಗೆ ಸಂಭವಿಸಿತು. ಇದರಿಂದ ಆತಂಕಗೊಂಡ ತಾಯಿ 33 ವರ್ಷ ಪ್ರಾಯದ ಶಮಾದ ಬಾನು  ಭಟ್ಕಳ ಠಾಣೆಗೆ ದೂರು ದಾಖಲಿಸಿದ್ದರು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತಕ್ಷಣವೇ ತನಿಖೆ ಆರಂಭಿಸಿ, ಆರೋಪಿಗಳನ್ನು ಪತ್ತೆಹಚ್ಚಿ, ಬಾಲಕಿಯನ್ನು ಸುರಕ್ಷಿತವಾಗಿ ಕುಟುಂಬದ ವಶಕ್ಕೆ ಒಪ್ಪಿಸಿದ್ದಾರೆ. ಪೊಲೀಸರ ಈ ತ್ವರಿತ ಕಾರ್ಯಾಚರಣೆಗೆ ಸ್ಥಳೀಯರಿಂದ ಶ್ಲಾಘನೆ ವ್ಯಕ್ತವಾಗಿದೆ.