ಜಿಲ್ಲೆಯಲ್ಲಿ ಅತೀ ದೊಡ್ಡ ಕ್ರಿಸ್ಮಸ್ ನಕ್ಷತ್ರ — ನೆಲ್ಯಾಡಿ ಸಂತ ಆಲ್ಫೋನ್ಸಾ ಚರ್ಚ್ SMYM ಯುವಕರಿಂದ ಅದ್ಭುತ ಸೃಜನಶೀಲತೆ
ದಕ್ಷಿಣ ಕನ್ನಡ ಜಿಲ್ಲೆಯ ಕಡಬ ತಾಲೂಕಿನ ನೆಲ್ಯಾಡಿಯ ಸಂತ ಅಲ್ಫೋನ್ಸಾ ಪುಣ್ಯ ಕ್ಷೇತ್ರಕ್ಕೆ ಸೇರಿದ SMYM ಯುವಕರು ವಿಶಿಷ್ಟ ಸಾಧನೆ ಮಾಡಿ ದಾಖಲೆ ಬರಹಕ್ಕೆ ತಮ್ಮ ಹೆಸರನ್ನು ದಾಖಲಿಸಿದ್ದಾರೆ. ಸುಮಾರು 42 ಅಡಿ ಎತ್ತರದಲ್ಲಿ ನಿರ್ಮಿಸಲಾದ ಈ ಮಹಾಕಾಯ ಕ್ರಿಸ್ಮಸ್ ನಕ್ಷತ್ರ ಈಗಾಗಲೇ ಜಿಲ್ಲೆಯ ಅತೀ ಎತ್ತರದ ಕ್ರಿಸ್ಮಸ್ ನಕ್ಷತ್ರ ಎಂಬ ಗೌರವವನ್ನು ಪಡೆದಿದೆ.
ಏಕತೆ, ಪರಿಸರ ಸ್ನೇಹಿ ಅಲಂಕಾರ ಮತ್ತು ಸೌಹಾರ್ದತೆಯ ಸಂಕೇತವಾಗಿ ನಿರ್ಮಿಸಲಾದ ಈ ನಕ್ಷತ್ರ ಯುವಕರ ಪ್ರತಿಭೆ, ಸಮಾಜ ಸೇವೆ ಮತ್ತು ಕ್ರಿಸ್ಮಸ್ ಭಾವನೆಯ ಅರಳಿದ ನೆರಳು. ಈ ಸಾಧನೆ ವಂದನೀಯ ಫಾದರ್ ಶಾಜಿ ಮ್ಯಾಥ್ಯು ಮತ್ತು ವಂದನೀಯ ಫಾದರ್ ಅಲೆಕ್ಸ್ ಜಾನ್ಸನ್ ಅವರ ಮಾರ್ಗದರ್ಶನ-ಸಹಕಾರ ಹಾಗೂ SMYM ಯುವಕರ ಕಠಿಣ ಪರಿಶ್ರಮದ ಫಲವಾಗಿದೆ.
ಪ್ರತಿ ಸಂಜೆ ಬೆಳಕು ಮಿಂಚುತ್ತಿದ್ದಂತೆ ಈ ವಿಶಿಷ್ಟ ನಕ್ಷತ್ರವನ್ನು ನೋಡುವುದಕ್ಕಾಗಿ ವಿವಿಧ ಕಡೆಗಳಿಂದ ಜನರು ನೆಲ್ಯಾಡಿಗೆ ಆಗಮಿಸುತ್ತಿದ್ದು, ಯುವಕರ ಪರಿಶ್ರಮಕ್ಕೆ ಪ್ರಶಂಸೆಯ ಮಳೆ ಸುರಿಯುತ್ತಿದೆ.
