ಮಹೇಶ್ ಮೋಟಾರ್ಸ್ ಮಾಲಕ ಎ.ಕೆ. ಜಯರಾಮ ಶೇಕ ಅವರ ಪುತ್ರ ಮಹೇಶ್ ಶೇಕ ನಿಧನ

ಕರಾವಳಿಯ ಪ್ರಸಿದ್ಧ ‘ಮಹೇಶ್ ಮೋಟಾರ್ಸ್’ ಮಾಲಕರಾದ ಎ.ಕೆ. ಜಯರಾಮ ಶೇಕ ಅವರ ಪುತ್ರ 49 ವರ್ಷ ಪ್ರಾಯದ ಮಹೇಶ್ ಶೇಕ ಅವರು ಅಲ್ಪಕಾಲದ ಅಸೌಖ್ಯದಿಂದ ಜುಲಾಯಿ 29ರಂದು ಬುಧವಾರ ನಿಧನರಾಗಿದ್ದಾರೆ.

ಸರಳ ವ್ಯಕ್ತಿತ್ವ, ಪ್ರೀತಿಯ ನಡವಳಿಕೆ ಹಾಗೂ ಆತ್ಮೀಯ ನಗುವಿನಿಂದ ಎಲ್ಲರ ಪ್ರೀತಿಗೆ ಪಾತ್ರರಾಗಿದ್ದ ಮಹೇಶ್ ಶೇಕ ಅವರ ಅಗಲಿಕೆಗೆ ಬಂಧು-ಮಿತ್ರರು ಹಾಗೂ ಹಿತೈಷಿಗಳು ತೀವ್ರ ಶೋಕ ವ್ಯಕ್ತಪಡಿಸಿದ್ದಾರೆ. ಮೃತರು ತಂದೆ, ತಾಯಿ, ಪತ್ನಿ, ಮಗಳು ಹಾಗೂ ಸಹೋದರ-ಸಹೋದರಿಯರನ್ನು ಅಗಲಿದ್ದಾರೆ.

ಅಂತಿಮ ಸಂಸ್ಕಾರ: ಮೃತರ ವಿಧಿವಿಧಾನಗಳು ಇಂದು ಜುಲಾಯಿ 30ರಂದು ಗುರುವಾರ ಬೆಳಿಗ್ಗೆ 10:00 ಗಂಟೆಗೆ ಕುಲಶೇಖರದ ಸೇಕ್ರೆಡ್ ಹಾರ್ಟ್ ಶಾಲೆಯ ಬಳಿ ಇರುವ ಅವರ ನಿವಾಸ ‘ಜ್ಯೋತಿ ಪ್ರಕಾಶ’ ದಲ್ಲಿ ನೆರವೇರಲಿದೆ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ.