ಮಂಗಳೂರು MSEZ ವ್ಯಾಪ್ತಿಯಲ್ಲಿ ರಾಸಾಯನಿಕ ಟ್ಯಾಂಕ್ ಗೋಡೆ ಕುಸಿತ – ಫಲ್ಗುಣಿ ನದಿಗೆ ಸೇರುತ್ತಿದೆ ವಿಷಕಾರಿ ನೀರು

March 18, 2026
0 Comments
128 Views

ಮಂಗಳೂರು ನಗರದ ವಿಶೇಷ ಆರ್ಥಿಕ ವಲಯದ (MSEZ) ಒಳಗಿರುವ GMPL ಕಂಪನಿಯ ರಾಸಾಯನಿಕ ಮಿಶ್ರಿತ ಟ್ಯಾಂಕ್‌ನ ಗೋಡೆ ಶನಿವಾರ ಕುಸಿದಿದ್ದು, ಅಪಾರ ಪ್ರಮಾಣದ ಅಪಾಯಕಾರಿ ರಾಸಾಯನಿಕ ಯುಕ್ತ ನೀರು ಹೊರಹರಿತಿದೆ. ಈ ಘಟನೆಯಿಂದಾಗಿ ಸ್ಥಳೀಯ ಪರಿಸರ ಮತ್ತು ಸಾರ್ವಜನಿಕ ಆರೋಗ್ಯಕ್ಕೆ ಭಾರೀ ಸಂಚಕಾರ ಎದುರಾಗಿದೆ.

ಘಟನೆಯ ವಿವರ: GMPL ಕಂಪನಿಯ ಆವರಣದಲ್ಲಿದ್ದ ಸಂಗ್ರಹಣಾ ಟ್ಯಾಂಕ್ ಗೋಡೆ ಕುಸಿದ ಪರಿಣಾಮ, ಅದರಲ್ಲಿದ್ದ ಅತೀವ ಅಪಾಯಕಾರಿ ರಾಸಾಯನಿಕಗಳು ಹತ್ತಿರದ ಬಜಪೆ ಧೂಮವತಿಧಾಮದ ಬಳಿಯ ಕೊಂಚಾರು ಹೊಳೆಗೆ ಸೇರಿದೆ. ಅಲ್ಲಿಂದ ಈ ಕಲುಷಿತ ನೀರು ನೇರವಾಗಿ ಮರವೂರು – ಫಲ್ಗುಣಿ ನದಿಯ ಒಳಹರಿವಿಗೆ ಸೇರ್ಪಡೆಯಾಗುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ.

ಪರಿಸರಕ್ಕೆ ಎದುರಾದ ಅಪಾಯ:

* ನದಿಯ ಮಾಲಿನ್ಯ: ಫಲ್ಗುಣಿ ನದಿಗೆ ರಾಸಾಯನಿಕ ಸೇರುತ್ತಿರುವುದರಿಂದ ಜಲಚರಗಳಿಗೆ ಪ್ರಾಣಾಪಾಯ ಉಂಟಾಗುವ ಸಾಧ್ಯತೆ ಇದೆ.

* ಕುಡಿಯುವ ನೀರಿಗೆ ಕುತ್ತು: ನದಿಯ ನೀರನ್ನು ಆಶ್ರಯಿಸಿರುವ ಸುತ್ತಮುತ್ತಲಿನ ಗ್ರಾಮಗಳ ಕುಡಿಯುವ ನೀರಿನ ಮೂಲಗಳು ಕಲುಷಿತಗೊಳ್ಳುವ ಭೀತಿ ಎದುರಾಗಿದೆ.

* ಆರೋಗ್ಯದ ಮೇಲೆ ಪರಿಣಾಮ: ರಾಸಾಯನಿಕ ಮಿಶ್ರಿತ ನೀರು ಮತ್ತು ಅದರಿಂದ ಹೊರಹೊಮ್ಮುವ ವಾಸನೆಯಿಂದಾಗಿ ಸ್ಥಳೀಯರಲ್ಲಿ ಉಸಿರಾಟದ ತೊಂದರೆ ಅಥವಾ ಚರ್ಮದ ಕಾಯಿಲೆಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.